අඩි
හය හමාරක් පමණ දිග දිවි සමක් නිවසේ මුළුතැන්ගෙයි සගවා තැබූ පුද්ගලයෙක්
සඳුදා (11) රාත්‍රියේ අත්අඩංගුවට ගෙන කැකිරාව මහේස්ත්‍රාත්වෙත
ඉදිරිපත්කිරීමෙන් අනතුරුව මුදල් හා ශරීර ඇප මත මුදා හළ බව මින්නේරිය ජාතික
වනෝද්‍යානය පවසයි. මින්නේරිය ජාතික වනෝද්‍යානයේ භාරකරු එච්.ජී.වික්‍රමතිලක මහතාට ස්වේච්ඡා මාර්ගේපදේශකයින්ගෙන් ලැබුණු තොරතුරකට අනුව සඳුදා (11) රාත්‍රී 9.00 පමණ මෙම වැටලීම සිදු කර තිබේ. මෙසේ අත්අඩංගුවට ගෙන අධිකරණයට ඉදිරිපත්කොට ඇත්තේ හබරණ අසිරිගම පදිංචි විසි දෙහැවිරිදි තරුණයෙකි.
අත්අඩංගුවට ගත් දිවි සමේ දිග අඩි හයයි අඟල් හයක් පමණ වන බවත් පළල අඩි හතරයි අඟල් හතරක් පමණ වන බව වනජීවි දෙපාර්තුමෙන්තුව පවසයි.
සැකකරු
කැකිරාව මහේස්ත්රාත් වෙත අඟහරුවාදා (12) දහවල් ඉදිරිපත් කිරීමෙන්
අනුතුරුව රුපියල් 5000 ක මුදල් ඇප සහ රුපියල් 50,000 ක ශරීර ඇප මත මුදා
හැරීමට නියෝග කළේය.
සැකකරුට මුදල් ගෙවා ගත නොහැකි වූ බැවින් බදාදා (13) දක්වා රක්ෂිත බන්ධනාගාර ගත කොට ඇත.
.gif)
බදුල්ල මහාධිකරණයේ විභාග වූ වේවැස්සේ වත්තේ මිනීමැරුම් නඩුවේ විත්තිකරු මිනී මැරුම් චෝදනාවට වරදකරු බව තිරණය කල බදුල්ල මහාධිකරණ විනිසුරු සම්පත් බී අභයකෝන් මහතා ඔහුට මරණ දඩුවම නියම කළේය.
.jpg)
පාරිභෝගිකයන් හට වැසිකිළි බඳුන් ලෙස
සකසන ලද අසුනක හිඳ ආහාර ගැනීමේ හැකියාව
ඇමෙරිකා එක්සත් ජනපදයේ විවෘත කෙරුනු වැසිකිළිය හා ඒ ආශ්‍රිත භාණ්ඩ හා කටයුතු තේමා කොටගත් එබඳු ගණයේ පළමු අවන්හල වන ‘ ද මැජික් රෙස්ට්
රූම් කැෆේ’ හි ඇති සියලුම අංග එනම්, අමුත්තන්ට අසුන් ගැනීමට ඇති ආසන,
ආහාර පිළිගැන්වෙන බඳුන් පමණක් නොව ආහාර වර්ගවල නම් පවා (නම් පමණි)
වැසිකිළි, නාන කාමර හා ශරීර කෘත්‍යය හා සම්බන්ධ කටයුතු අඟවන ඒවාය.
වැසිකිළියක හිඳ අපුලකින් තොරව ආහාර ගැනීමේ රිසියෙන් ද ලොස් ඇන්ජලීස්හි ද
මැජික් රෙස්ට්රූම් කැෆේ වෙත ගොඩවදින පාරිභෝගිකයන් හට වැසිකිළි බඳුන් ලෙස
සකසන ලද අසුනක හිඳ, ශරීර කෘත්‍යය හා සම්බන්ධ නම්වලින් හඳුන්වනු ලබන ආහාර
වර්ග ඇණවුම් කරන ලදුව, වැසිකිළි බඳුන් සේ නිම වන ලද දීසි මත පිළිගැන්වෙන
රස බොජුන් නාන කාමරයක් බඳු කුටියක සිට රස විඳී මේ අසාමාන්‍ය අත්දැකීමක්
ලැබගත හැකිය. අවන්හල් ක්ෂේත්‍රයට ආධුනිකාවක වන චීන ජාතික ‘ යෝ යෝ ලී’ විසින් ඇමෙරිකාවේ’ මෙම පළමු
වැසිකිළි තේමාවෙන් යුතු අවන්හල විවෘත කිරීමට පෙළඹෙන ලද්දේ චීනයේ හා
තායිවානයේ මෙබඳු අවන්හල් ජාලයන් විසින් හිමි කොටගෙන ඇති ජනප්‍රියත්වය අවබෝධ
කර ගැනීමෙන් අනතුරුවය. 